سلاموووووووووو
يسعد لي هالصباح والوجيه الحلووووه يمي يمي 
<<< جوعانه مثل العاده
وأخيرا وبعد جهد جهيد لحوووووووووووظ راحت البر
الصحراء بالإنجلش 
وعقبال ما أنام فيه أسبوع كامل والا شهر والا سنين <<< ياهووووو
وأتسدح وأتبطح على الرملا 
مممم طبعا بالصورلعيونكن 
ولتشاركوني فرحتي
ولا وحده تدخل وتقول لي شكرا 
باركوا لي <<<< تخرّجت الإخت
هذا لبس لحووووظ
بالطو أسووود طويل 
غترة حريمي أبيض وأسود كاروهات
وكوتش كاروهات أبيض وأسود بعد
تنوره لازم ماعندنا بناطيل
نحش ارجوله اللي تلبسه وتناقز عند الرجال 
<<< تخوف لحوظ 
وطبعا حركات البدو لازم الجلال والبرقع <<< مشفّر
الصوره غير قابله للعرض
ممم هذا مكان مرينا يمّه آثار بالطريق صورته لكن
شوفوا كيف بيوت الطين واقفه وشامخه 
هذي سيارتنا يالبييييه يالأزرقاني
مدري شيسمونها << استعانه بصديقه
وهذي الشجره اللي قررنا نجلس تحتها
مادّه يدينها كأنها بتضمنا << خبووله لحظوه
سبحان الله
هذا منظر الصحراء حولنا جبل وشجر وحصى وتراب ورملا
عجيب سبحانه له في خلقه شؤون
شبينا النار يعني ولعناها مو فينا بسم الله علينا
بنصلّح الفطور كِبدة الضحايا تهريب من ضحية الماما
الأخضراني المصفر اللي طايح سقط سهواً ألعاب المبزره للتحفير
طلعة بر لازم حركات برّان صحينات أول وفناجيل أول وبييلات بادريق ماأحب غيرها والسيف لهم
ما أكيّف على الشاهي الا بها
وهذي لحوظ مالحقت على فنيجيل صبّت لها القهوه في بياله 
كايفه وربي حيل
وهذا المعمول تصبيره لحتى يخلص الفطور
عمايل ايديا واحياة عنيا
اللي تبي الطريقه تتفضل
<<< كل مكان تدخله تقلبه طبخ
حطينا البصل
أم عبيد ماجابت بهورات نست جابت بزار
وهذي أم عبيد قبضت عليها متلبسّه تتحلّى بلبنه وتميس قبل الفطور
وهذا بعد ماخلّصنا الفطورصحه وهنا على اقلوبنا
لافاش كيري لافاش كيري <<< دعايه
ممم وبعدها جلسنا نسولف وقمنا نتمشى ونلعب مع المبزره
لحتى جى وقت الغدا
بسم الله
عبوود يحمس البصل
وحطينا عليه اللحمه
والمويه وخليناه يطبخ وغطيناه
بعد نص ساعه فتحناه وحطينا الرز وسكرناه
بعد ما استوى يمي يمي
جعل ايدياته وجسده محرمين عن النار هذا أوخيي يغرفه لنا هو وعبوود
نثري واللحمه طازجه طعمه يخبل الله يديمه من نعمه ومايحرمن منه
وهذي الشمس شوفوا كيف ساطعه ومعتليه الأفق 
والشجر يضللها كأنه رموش مره << برا لحوظ
ممم لحوظ تتمشّى وتتحلّى على سنيكرس همممممممم
الحجم الكبير الصغير طعمه ماش
وجلسنا لحتى بعد المغرب وشبينا السمروصلحنا شاهي حطب
بس ماعرفت أصوره من الظلام 
وجلسنا قدامه وسألتهم وش أمنياتكم
عبود أمنيته يسكرون كل المدارس
وزوجة أخوي أمنيته الجنه الله يرزقنا واياكن بها
وأخوي وأم عبيد ماقالوا أمنيتهم يقولون سر
ولحوظ أمنيتها تحفظ القرآن قبل الممات ويكون شفيع لي ولوالدي آمين ادعوا لي
والحمدلله أنتهت رحلتنا على خير وأنبسطت لحوظ بعشقها الصحراء
بس وربي ماشبعت منه أبد أبيه مفارقه صعب علي حيل حيل <<< مسلسل بدوي
أتمنى تكونوا أستمتعتن بالرحله وتعجبكن
كانت هنا من قلب الحدث لحوظ البدويه بنكهة السنكرس
يالله أبي ردود من العيد أتمنن اختي تزين لي الصور
0 التعليقات:
إرسال تعليق